Beej de groëte jeug zjwei-jt Siem van Deuzen de skepter en wuërt daobeej geholpe door zien adjudante Raf Gommans en Olivier Koppers.
De Prins en de adjudante sjtelle zich zelluf veur in eur eige wäörd:
Prins Siem
Miene naam is Siem van Deuzen. Same met mien mam Nicole, pap Rob en breurke Thom woën ich op de Broeklaan in Tegele. Ich voetbal met vuul plezeer beej de JO11-1 en bön gek op Vastelaovend. Det heb ich van gen vraemde, want mien elders zien al ens gangmakers meuge zien beej de Boereraod. En miene pap prins beej de Beerpiëp. Dao naeve beej make weej dei loet van vrindegroep Zaat op ut ei.
Op Basissjoël Passe-Partout zit ich same met mien Adjudante Raf en Olivier in groep 7. Ich gaon gaer nao Stadion de Koel um mien favoriete club VVV-Venlo aan te moedigge. En sjpeul ich gaer op miene play station.
Adjudant Raf
Ich bön Raf Gommans, adje Y. Ich bön gebaore in Venlo in ‘t zeekehoes, maar al sjnel met mien pap en mam nao Tegelen nao de Hei gegaon wao mien wiegje sting.
Wie ich 4 jaor waas en inmiddels op BS Passe Partout waas begös, zien weej un bietje doenderbeej sjoel gaon woëne. Mien breurke Sen waas dr inmiddels ouch en met zien veere zien we toen nao de Plechelmussjtraot verhoés. Met Siem en Oli bun ich al bevrind sinds de kleutersjoel.
Ich bön 10 jaor en zit momenteel in groep 7 beej juffrouw Sandra en juf Yvonne. Same met Siem en Olivier, maar ouch angere vriendjes die heej bekend zien, zoe-as Don Vinken en Tygo van Soest, die ouch in JO11 zitte. Ich ving gym en geschiedenis de allerleukste vakke, raekene ving ich sjtom.
Wiej ich mien zjwumdiploma’s had gehaold moch ich EIN-DE-LIJK gaon voetballe… dao had ich mcih al lang op gesjpits. Ich heb effe beej de mini F gezaete en struimde toen met Siem door nao JO8, allebei nao un anger team. Vanaaf JO9 zoot ich weer beej Siem en Oli in ’t team. Vuel kinger wao ich no meij in JO11-1 zit, zoote toen ouch beej mich in ’t team: Max, Siem T, Nick, Xavi S en later ouch Xavi H. En ôzze trainers waare Guus en Sven. Guus zoog al gauw in mich unne middevelder en dao heb ich ouch in de meijste teams gespeuld. No speul ich op mierdere plekke, ich dink det Gillian en Mark na gun bietje motte ontdekke wao iddereijn ’t beste tot zien rech kump.
Ich haaij huel erg van diere (veural roofveugel) en natuur en heb mich met de kemmunie den ouch unne opgezatte uél gevraog en ouch gekrege. Inmiddels heb ich ouch unne opgezatte marter op mien kamer staon en vuel steijn, minerale en fossiele. Dit vingk ich ech hiel sjiek. Verder haaij ich van teikene, bv games teikene en natuurlik diere. Gamen ving ich ouch leuk, minecraft doon ich ’t duks. FIFA ouch, maar den weer ich wal ens pissig en den meug ich nimmer speule…. Verder gaonk gaer met de jonges oet de buurt voetballe op ’t pleintje beej sjoel. Veural in de zomer met lekker weer. Ouch sjpeul ich gaer met ôzze’n hongk, voetballe in de tuin of gewuen lekker kuite.
Vastelaovend is mich met de paplaepel in gegaeve. Wiej ich 5,5 jaor aad waas (de hellef van ellef) woorte mien pap en mam boerebroedspaar beej de Boereraod. Sen en ich ginge dök meij. Maar dae helle meziek en allemaol die beijn wao ich taege aan keek, det vong ich maar niks… tot groete ergernis van mien elders. Maar ’t blood kruup wao ’t neet gaon ken… En wie ich aaijer woort heb ich de Vastelaovend alsnog umermp. In de Hermeniezaal sting ich met Siem en Oli op de bühne te sjpringe op dae zellufde kei helle meziek. En toen waas ich besjmet met ’t Vastelaovendvirus. Dit jaor meug ich met 2 van mien beste vriendjes heej beej Sjportklöb Irene de ker trekke en d’r same met iddereijn unne super toffe middig van make!
Adjudant Olivier
Ich bun Olivier Koppers en woën op de Koekoekstraot in Tegele. Ik heb half Tegels en half Bliericks blood. Miene pap is Maurice en is door mien mooder vanoet Blierick naor Tegele verhoés, gelukkig! Hae werk met computers en is auch trainer beej Sjportklöb Irene gewaes. Miem mam is Judith en werk beej en bang en duit gaer praote. Den heb ik nog ein zuske Jolie, die hockey-t.
Vastelaovend zit beej os waal good. Mien naef Mike waas Jeugvors Lucifer op Steyl en ozze aaije opa Frans en aaije oma Mia (de opa en oma van mien mam) ware Hiërboer beej de Boereraod.
Ik voetbal geer en kiek met pap gaer wedstriede van feyenoord, de moeiste club van Nederland. Ik ving lasagne en spaghetti ech hiel vies, mich maks ze bliej met een lekker wortelestamp! Ik zit op sjoel de Passepartout in groep 7 beej Raf en Siem in de klas, weej lache same duk & vuul! Ik reken hiel gaer en ving de taalles niks aan. Maar eigenlijk speule weej ut leefste boëte. Thoes game ik gaer en speul Fortnite, maar as ut effe ken den gaon we boéte voetballe.
Ik voetbal in de JO11-2, en bun sinds dit jaor weer voetballer, meistal op ut middeveld. Maar miene trainer zet mich auk waal ens in de verdeidiging of in de spits. Heej veur heb ik 3 jaor gekiep.
Vastelaovend same!