Madelief Schatorjé (MO13) Jeugboerebróedspaar 2023 beej de Boereraod!

Madelief Schatorjé, sjpeulster van Sportclub Irene MO13, is in de Haandert oetgekómme as brüdje beej ut Jeugboerebróedspaar van de Boereraod! De bróedegom is Noud Kessels.

Op de (niej-je) site van de Boereraod kinne weej ut volgende euver ut Jeugboerebróedspaar laeze:

As Jeugboerebróedspaar 2023 hebbe weej dit jaor wir ’n geweldig duo gevônge. Bróedegom Noud Kessels (13) is gebaore in ’t gashóes van Vênlo. Noud is de zoon van Roy en Ingrid Kessels-Engelen en is ’t jôngere breurke van zien zusse Isa en Evy. Hae woënt mêt zien gezin op de Nachtegaalsjtraot ônger ôppe Hei. Noud haet as hobbies atletiek beej Scopias en is lid van waterscouting Vênlo. Noud zit in de brugklas van ’t Blariacumcollege in Bliërick.
Ôs Brüdje Madelief Schatorjé (12) is gebaore in ’t gashóes van Vênlo as dochter van Tom Schatorjé en Iris Vercoulen. ’t Haet nag ein jônger breurke Giep. Madelief  woënt mêt zien gezin op de Industriesjtraot in Tegele. Madelief is ’n sjportief maedje, ’t voetbalt en dans gaer. ’t Mak gaer sieräöj, duit gaer teikene, sjildere en meziek loestere. Madelief zit in groep 8 van basissjoël De Schalm op Sjteyl.

Op zaoterdig 11 februari um 18.30 oor is de resepsie van ut Jeugboerebróedspaar in de Haandert öm eur te fillicitere.

Klik heej öm ein blik te werpe op de niej-je gangmakers (en site) van de Boereraod!

Vastelaovend same!

 

Deel dit bericht

Meer nieuws

Rik Wilms liep voor zijn studie stage bij Ajax, maar is nu weer met succes terug onder de lat bij Sportclub Irene: ‘Ik zou eigenlijk niet spelen’
Zaoterdaag 22 februari jaorlikse vastelaovesmiddaag veur de jeug!
Vastelaovend veur seniore op vriedaag 21 februari!