Nao jaore is der den eindelik weer ein prinselik seniore trio binne Sjportklöb Irene. Dit jaor meuge Prins Luc Beurskens en zien adjudante Stijn Clabbers en Juul Propst de ker trekke. Tiedes ein waanzinnig leuk Irenebal werde zeej nao inkele aanwiesinge en ut aaftelle bekind gemak op de middesjtip van ut hoofveld!
Prins Luc Beurskens is 22 jaor aad en sjpeult in ut twiede elftal as rechtsback/centrale verdediger. Hae is al vanaaf zien 5e jaor lid van Sjportklöb Irene!
Adjudant Stijn Clabbers is teammanager van ut 7e seniore team binne ozze club. Hae is 25 jaor aad en is inmiddels al 19 jaor lid van Sjportklöb Irene. Adjudant Juul Propst is 22 jaor aad en sjpeult as rechtsback in het 7e, onger leiding dus van adjudant Stijn! Juul haet 8 jaor in de jeug gevoetbald waonao hae efkes gesjtop is. Sinds 4 jaor is hae weer aktief binne de seniore van Sjportklöb Irene.
Luc en Stijn maake al jaore deil ut van Oeles Toekôms, Juul is ceremoniemeister beej de Beerpiëpjeug! Dus jao, vastelaovend viere kinne die gaste waal!
Vastelaovend same!
